साझा अर्थ संवाददाता
१८ असोज २०८१, शुक्रवार
सेक्युर्ड सेक्युरिटिज लिमिटेड (ब्रोकर नंम्बर ३६) ले आइतबार देखि नयाँ टीएमएस सञ्चालनमा ल्याउने भएको छ ।
आइतबारबाट हाल सञ्चालनमा रहेको टीएमएस बन्द हुने जानकारी गराउँदै कम्पनीले लगानीकर्तालाई आधिकारिक इमेलमा नयाँ टीएमएसको युजरआइ र पासवर्ड उपलब्ध गराउने जानकारी गराएको छ । नयाँ टीएमएस सम्बन्धी तालिम लिन इच्छुक लगानीकर्ताले यस ब्रोकर कार्यलयमा सम्पर्क गर्न सकिने कम्पनीले जनाएको छ ।
नयाँ टीएमएसमा मल्टी एसेट, मल्टी एक्सचेञ्ज ट्रेड्रिङ प्लेटफर्म रहेको जानकारी दिइएको छ । यसमा सेयर, डिबेन्चर, बन्ड, डेरिभेटिभ्स, करेन्सी लगायत विभिन्न उपकरणहरुको कारोबार एक वा एक भन्दा बढी स्टक वा डेरिभेटिभ्स एक्सचेन्जमा एकैसाथ गर्न सकिने ब्रोकर्स एसोसिएसनको भनाई छ ।
साझा अर्थ संवाददाता
