साझा अर्थ संवाददाता
१५ असोज २०८१, मङ्गलवार
यो वर्षको दसैँ, तिहार र छठ पर्वलाई लक्षित गरी यामाहा नेपालको ‘बिगेस्ट १०शैं’ योजनाअन्तर्गत ग्राहकले स्योरसट नगद र उपहार जित्ने क्रम देशैभर जारी रहेको छ । कम्पनीका अनुसार यामाहाको बाइक तथा स्कुटर खरिद गर्ने ग्राहकले स्योरसट नगद उपहारअन्तर्गत २० हजार, ५० हजार र एक लाख रुपैयाँ नगद उपहार धेरै ग्राहकले जितिसकेको कम्पनीले जनाएको छ । साथै, अन्य रोमाञ्चक गिफ्ट ह्याम्पर पनि जित्ने क्रम जारी रहेको बताइएको छ ।
अफरभरि यामाहाको मोटरसाइकल र स्कुटर खरिद गर्ने ग्राहकले १० लाख रुपैयाँसम्मको हात खाली नजाने स्योरसट नगद छुट उपहार प्राप्त गर्न सक्नेछन् । १० लाख रुपैयाँको नगद छुट जितेर भाग्यशाली बन्ने मौका अझै बाँकी रहेको यामाहाका नवनियुक्त प्रमुख कार्यकारी अधिकृत दीपक अग्रवालले जानकारी दिए ।
एफआई प्रविधि, रिसेल भ्यालु र पर्फर्मेन्समा उत्कृष्ट अनि दिगोपनमा सर्वोत्कृष्ट यामाहा बाइक र स्कुटरको खरिदसँगै १० लाख जित्ने अवसर र दुईवटा मोडलमा एफआई १० वर्षे वारेन्टीले यो वर्षको दसैँ बिगेस्ट दसैँ हुने अपेक्षा कम्पनीले गरेको छ ।
साझा अर्थ संवाददाता
