साझा अर्थ संवाददाता
७ असोज २०८१, सोमवार
हिमालय ऊर्जा विकास कम्पनीको १४ लाख ४६ हजार ३५९ कित्ता साधारण शेयर आजदेखि लिलाम बिक्रीमा खुल्ला भएको छ ।
कम्पनीको यसअघि हकप्रद निष्कासनका क्रममा बिक्री नभएको उक्त शेयर कम्पनीले लिलामीमा बिक्री गर्न लागेको हो । यसअघि कम्पनीले १ बराबर १ को अनुपातमा हकप्रद शेयर निष्कासन गरेको थियो । इच्छुक आवेदकले न्यूनतम १०० कित्ता र बढीमा सबै शेयरका लागि आवेदन दिन सक्नेछन् ।
बिक्री प्रवन्धक नबिल इन्भेस्टमेन्ट बैंकिङका अनुसार आगामी असोज १४ गतेसम्म लिलामी शेयरमा आवेदन दिन सकिने छ ।
शेयरको न्यूनतम मूल्य १०० रुपैयाँ तोकिएको छ । आइतबार बजार बन्द हुँदा दोस्रो बजारमा उक्त कम्पनीको शेयरमूल्य प्रतिकित्ता २२४ रुपैयाँ छ ।
साझा अर्थ संवाददाता
