साझा अर्थ संवाददाता
२३ चैत २०८२, सोमवार
काठमाडौै, २३, चैत्रः अब नेपाल स्टक एक्सचेन्ज (नेप्से)मा शुक्रबार पनि शेयर कारोबार हुने भएको छ । सरकारले पेट्रोलियम पदार्थको खपत कम गर्ने उद्देश्यले आइतबार पनि सार्वजनिक बिदा दिने निर्णय गरेसँगै शेयर बजार शुक्रबार पनि खुल्ने भएको हो ।
आइतबार बसेको नेप्से सञ्चालक समितिको बैठकले सो निर्णय गरेको नेप्सेले जनाएको छ । शनिवार र आइतबार भने नेप्से बन्द रहने छ ।
मन्त्रिपरिषद्को हालैको बैठकले पेट्रोलियम पदार्थको आपूर्ति व्यवस्थापन गर्न आइतबार सबै सरकारी कार्यालयहरूमा बिदा दिने निर्णय गरेको थियो ।
-thumb_840_560.jpg)