साझा अर्थ संवाददाता
१ असोज २०८१, मङ्गलवार
गरिमा विकास बैंकका सहायक प्रमुख कार्यकारी अधिकृत अनिल रेग्मी नायब प्रमुख कार्यकारी अधिकृतमा नियुक्त भएका छन् ।
बैंकको सञ्चालक समितिले रेग्मीलाई यही असोज १ गतेदेखि लागु हुने गरी नायब प्रमुख कार्यकारी अधिकृतमा नियुक्त गरेको हो ।
रेग्मीले २०८० चैत १५ गतेदेखि विकास बैंकको कम्पनी सचिवको जिम्मेवारी समेत सम्हाल्दै आएका छ्न् ।
अनिल रेग्मीसँग तत्कालीन जनता बैंक लिमिटेड र तत्कालीन सेन्चुरी कमर्सियल बैंक लिमिटेडमा ११ वर्ष सहित बैंकिङ क्षेत्रको व्यवस्थापन तहका रही करिब १३ वर्ष कार्य गरको अनुभव रहेको छ ।
बैंकिङ क्षेत्रमा प्रवेश गर्नुअघि लेखापरीक्षण तथा कन्सल्टेन्सी पेशामा आबद्ध ररहेका रेग्मीसँग बैंकिङ्ग लगायत अन्य राष्ट्रिय तथा अन्तर्राष्ट्रिय संघ संस्थाहरुको लेखापरीक्षण कार्य गरको अनुभवसमेत रहेको बैंकले जारी गरेको विज्ञपितमा उख्लेख छ ।
साझा अर्थ संवाददाता
