अरुण भ्याली हाइड्रोपावर लिमिटेडले चालु आर्थिक वर्ष २०८१÷८२ को तेस्रो त्रैमासमा अघिल्लो आवको सोही अवधिको तुलनामा झण्डै ५८००  प्रतिशतले खुद नाफा बढाएको छ । अघिल्लो आर्थिक वर्षको चैतसम्म ५७ लाख ९५ हजार खुद नाफा कमाएको कम्पनीले चालु आवको सोही अवधिमा ३४ करोड १८ लाख खुद नाफा कमाएको छ।  यस अवधिमा कम्पनीको विद्युत बिक्रीको आम्दानी ६ करोड १ लाखबाट बढेर  १९ करोड ७४ लाख पुगेको छ । कम्पनीको अन्य आम्दानी पनि २३ करोड ५९ लाखबाट बढेर ३४ करोड ८७ लाख पुगेको छ।

यस अवधिमा कम्पनीको ब्याज खर्च १४  करोड ८५ लाखबाट घटेर ३  करोड ९ मात्र कायम भएको छ। कम्पनीको चुक्ता पुंजी ३ अर्ब ८४  करोड रहेको छ।

यस अवधिमा कम्पनीको प्रति शेयर आम्दानी ११  रुपैयाँ ८५  पैसा रहेको छ भने प्रति शेयर नेटवर्थ १०९  रुपैयाँ ५६ पैसा रहेको छ।