साझा अर्थ संवाददाता
२८ जेठ २०८३, बिहिवार
काठमाडौः सर्वोत्तम पेन्ट्स ईण्डष्ट्रिज लिमिटेडको आइपीओ निष्काशत तथा बिक्री खुल्ला भएको छ । आज (जेठ २८ गते) देखि सर्वसाधारण लगानीकर्ताकालागि आइपीओ निष्काशन तथा विक्री खुल्ला भएको हो ।
कम्पनीले वैदेशिक रोजगारीमा रहेका नेपालीहरुका लागि निष्काशन गरेको आईपीओ बाँडफाँट गरी सकेको छ । कम्पनीले जारी पूँजी ३४ करोड रुपैयाँको २५ प्रतिशतले हुन आउने ८ करोड ५० लाख रुपैयाँ बराबरको ८ लाख ५० हजार कित्ता शेयर आईपीओ निष्काशन गर्ने अनुमति नियामक निकाय बाट पाएको थियो । सो मध्ये ७ करोड ५ लाख ५० हजार रुपैयाँबराबरको ७ लाख ५ हजार ५०० कित्ता शेयर सर्वसाधारण लगानीकर्ताहरुका लागि निष्काशन तथा विक्री खुल्ला गरेको कम्पनीले जनाएको छ ।
आइपीओ निष्काशन बन्द छिटोमा असार २ गते तथा ढीलोमा असार ११ हुने कम्पनीको शेयर निष्काशन तथा विक्री प्रबन्धक ग्लोबल आइएमई क्यापिटलले जनाएको छ ।
