काठमाडौं, ०८ जेठ: कोशी प्रदेश सरकारले सुशासन, रोजगारी सिर्जना र दिगो आर्थिक वृद्धिलाई प्राथमिकतामा राख्दै आगामी आर्थिक वर्ष २०८३/८४ को नीति तथा कार्यक्रम सार्वजनिक गरेको छ। प्रदेश प्रमुख परशुराम खापुङले आज जेठ ८ गते प्रदेश सभाको बैठकमा सरकारको तर्फबाट उक्त वार्षिक नीति तथा कार्यक्रम प्रस्तुत गर्नुभएको हो।

सार्वजनिक नीति तथा कार्यक्रममा कृषि क्षेत्रको आधुनिकीकरण, पर्यटन प्रवर्द्धन र भौतिक पूर्वाधार विकासलाई मुख्य आधार बनाइएको छ। सरकारले डिजिटल सुशासन र सेवा प्रवाहमा पारदर्शिता ल्याउने विशेष योजना अघि सारेको छ। यसका साथै, स्थानीय उद्योगहरूको प्रवर्द्धन गर्दै युवा स्वरोजगारी बढाउने र अनौपचारिक क्षेत्रलाई व्यवस्थित गर्ने लक्ष्य राखिएको छ। प्रदेश सरकारले उपलब्ध स्रोत र साधनको अधिकतम उपयोग गरी नागरिकका आधारभूत आवश्यकता पूरा गर्न र प्रादेशिक अर्थतन्त्रलाई सबल बनाउन यो नीति तथा कार्यक्रमले ठोस मार्गदर्शन गर्ने दाबी गरेको छ।