साझा अर्थ संवाददाता
३१ वैशाख २०८३, बिहिवार
काठमाडौँ : नेपाल बीमा प्राधिकरणले हिमालयन रिइन्स्योरेन्स लिमिटेडलाई नयाँ पुनर्बीमा व्यवसाय गर्न रोक लगाएको छ।
प्राधिकरणले बीमा ऐन, २०७९ को दफा १३६ को उपदफा १ बमोजिम कम्पनीलाई चालु आर्थिक वर्ष २०८२/८३ को असार मसान्तसम्म नयाँ पुनर्बीमा व्यवसाय गर्न रोक लगाएको हो।
प्राधिकरणले वैशाख २९ गते निर्णय गर्दै वैशाख ३१ गते सूचना सार्वजनिक गरेको हो।
यद्यपि, कम्पनीले यसअघि गरेको पुनर्बीमा व्यवसायसँग सम्बन्धित दाबी भुक्तानी तथा रेट्रोसेसनसम्बन्धी कार्य भने गर्न पाउने सूचनामा उल्लेख छ।
बीमा ऐन, २०७९ को दफा १३६ को उपदफा ४ बमोजिम सम्बन्धित सबै पक्षलाई जानकारी गराउँदै प्राधिकरणले सूचना जारी गरेको हो।
पछिल्लो समय कम्पनीसँग सम्बन्धित केही वित्तीय अनियमिततासम्बन्धी अनुसन्धान चलिरहेको अवस्थामा प्राधिकरणले यस्तो निर्णय गरेको हो।
-82.jpg)
-13.jpg)
