साझा अर्थ संवाददाता
१ मंसिर २०८२, सोमवार
-thumb_1200_600.jpg)
काठमाडौं, मंसिर १ । लक्ष्मी सनराइज बैंक लिमिटेड (LSL) ले आर्थिक वर्ष २०८१/८२ का लागि १०.५३ प्रतिशत लाभांश वितरण गर्ने प्रस्ताव गरेको छ। २०२५ नोभेम्बर १६ मा बसेको सञ्चालक समितिको ३१४औँ बैठकले १० प्रतिशत बोनस शेयर र ०.५३ प्रतिशत नगद लाभांश (करसहित) सहित कुल १०.५३ प्रतिशत लाभांश प्रस्ताव गरेको हो।
कम्पनीको चुक्ता पुँजी रु. २४.३४ अर्ब रहेको छ। प्रस्तावित १० प्रतिशत बोनस शेयर करिब २४,३४६,५७२.२३ कित्ता बराबर पर्नेछ भने ०.५३ प्रतिशत नगद लाभांशको राशि करिब रु. १२८,१३९,५३८ हुनेछ।
उक्त लाभांश प्रस्ताव नेपाल राष्ट्र बैंकको स्वीकृति र सोपछि बैंकको वार्षिक साधारणसभा (AGM) बाट अनुमोदन भएपछि मात्र वितरण प्रक्रिया अघि बढ्नेछ।
