साझा अर्थ संवाददाता
२३ भदौ २०८१, आइतवार
चेक बाउन्स मुद्दामा दोषी ठहर भए एक महिनादेखि दुई वर्षसम्म कैद सजाय हुने भएको छ ।
आइतबार प्रतिनिधि सभाअन्तर्गतको अर्थ समितिको बैठकमा बैंकिङ कसुर तथा सजाय (दोस्रो संशोधनं) विधेयक, २०८० माथि दफावार छलफलको क्रममा सर्वसम्मत रूपमा पारित भएको छ ।
सहमति भएसँगै अब चेक अनादरसम्बन्धी मुद्दामा दोषी ठहर भए पाँच प्रतिशत जरिवानासहित एक महिनादेखि दुई वर्षसम्म कैद सजाय हुनेछ ।
१५ लाखसम्मको चेक अनादरमा १ महिना कैद, ५० लाख सम्मकोमा तीन महिना, १ करोडसम्मकोमा १ वर्ष र करोडभन्दा माथिको चेक अनादर प्रमाणित भए दुई वर्षको कैद सजाय हुने विषयमा सहमति जुटेको समिति सभापति सन्तोष चालिसेले बताए । सजाय दिएर पनि पैसा असुल नहुने अवस्थालाई पनि अन्त्य गर्नुपर्ने र पीडितलाई न्याय हुने गरिनै विधेयकलाई अन्तिम रूप दिइने उनले सुनाए ।
साझा अर्थ संवाददाता
