साझा अर्थ संवाददाता
२६ पुष २०८१, शुक्रवार
काठमाडौं । इन्टरनेट सेवा प्रदायक कम्पनी सुबिसु केवलनेटको लाइसेन्स नविकरण भएको छ । कम्पनीले नेपाल दूरसञ्चार प्राधिकरणसँग आफ्नो बक्यौता रकम चुक्ता गरेपछि पाँच बर्षको लागि लाइसेन्स नविकरण गरेको हो । कम्पनीले रोयल्टी र ग्रामीण दूरसञ्चार विकास कोष (आरटीडीएफ) बापतको ३१ करोड ३८ लाख रुपैयाँ भुक्तानी गरेपछि आगामी ५ बर्षका लागि इमेलसहितको इन्टरनेट सेवाको लाइसेन्स पनि नविकरण भएको हो ।
प्राधिकरणका अनुसार, कम्पनीले रोयल्टी अन्तर्गत १७ करोड ४८ लाख रुपैयाँ र आरटीडीएफ बापत १३ करोड ८९ लाख रुपैयाँ तिरेपछि बिहीबार देखि लागू हुने गरी आगामी ५ बर्षका लागि लाइसेन्स नविकरण भएको हो । यसअघि बक्यौता नबुझाएका कारण ३० पुस २०८० मा हुनुपर्ने कम्पनीको लाइसेन्स नवीकरण रोकिएको थियो।
साझा अर्थ संवाददाता
