साताको पहिलो दिन आइतबार शेयर बजार परिसूचक ५.३२ अंकले बढेर २५९१.५६ को बिन्दुमा पुगेको छ । आज कारोबारमा आएका ३२७ कम्पनीका ९३ लाख ८६ हजार ७ सय २१ कित्ता शेयर खरिद बिक्रीबाट ४ अर्ब ८६ करोड २ लाख १ हजार ९ सय ७४ रुपैयाँ ९८ पैसाको कारोबार भएको छ। जस मध्ये जानकी फाइनान्सको सर्वाधिक १९ करोड ९ लाखको कारोबार भएको छ भने रिभर फल्स पावरको १७ करोड ३६ लाखको कारोबार भएको छ। त्यस्तै रसुवागढी हाइड्रोको १२ करोड ९० लाखको कारोबार भएको छ।

आज कारोबारमा आएका मध्ये उपकार लघुवित्त, दोर्दी खोला जलविद्युत, र ग्रिन भेन्चर लिमिटेडको शेयर मूल्य सर्वाधिक १० प्रतिशतले बढेको छ। त्यस्तै दोल्ती पावरको शेयर मूल्य ९.४४ प्रतिशत बढेको छ भने ग्रिन डेभलपमेन्ट बैंकको शेयर मूल्य ९.२४ प्रतिशत बढेको छ।

आज कारोबारमा आएका मध्ये नारायणी डेभलपमेन्ट बैंकको शेयर मूल्य सर्वाधिक ८.८८ प्रतिशत घटेको छ भने आत्मनिर्भर लघुवित्तको शेयर मूल्य ६.८५ प्रतिशत घटेको छ। त्यस्तै जानकी फाइनान्सको शेयर मूल्य ६।३९ प्रतिशत घटेको छ भने नेपाल फाइनान्सको शेयर मूल्य ५।५३ प्रतिशत घटेको छ।

आज कारोबारमा आएका मध्ये बैंकिंग, फाइनान्स, उत्पादन, लघुवित्त , र म्युचुअल फण्ड समूहका सूचक घटेका छन् । जस मध्ये फाइनान्स समूह १.०४ प्रतिशत घटेको छ। आज कारोबारमा आएका मध्ये हाइड्रोपावर समूह १.६७ प्रतिशत बढेको छ।