साझा अर्थ संवाददाता
-thumb_1200_600.jpg)
काठमाडौं । सन नेपाल लाइफ इन्स्योरेन्स कम्पनी लिमिटेड (SNLI) ले आफ्नो ८औँ र ९औँ वार्षिक साधारणसभा पुस २५ गते, २०८२ का लागि आह्वान गरेको छ। सभा दिउँसो १०:३० बजे काठमाडौँको कालिकास्थानस्थित अमृतभोग केटरिङमा सञ्चालन हुनेछ।
कम्पनीको पुस २ गते सम्पन्न १५०औँ सञ्चालक समितिको बैठकले आर्थिक वर्ष २०८१/८२ का लागि ५% बोनस शेयर र १५.२६३२% नगद लाभांश (कर प्रयोजनसहित) वितरण गर्ने निर्णय गरेको छ। कम्पनीको चुक्ता पूँजी ५ अर्ब ३ करोड रुपैयाँ रहेको छ। यस अनुसार, कुल लाभांश २०.२६३२% हुनेछ।
साधारणसभामा यसका अतिरिक्त लेखापरीक्षकको प्रतिवेदन, नाफा–नोक्सानी विवरण, वित्तीय प्रतिवेदन तथा नगद प्रवाह विवरणको अनुमोदन, नयाँ लेखापरीक्षकको नियुक्ति र सञ्चालक समितिका सदस्यको नियुक्ति अनुमोदन गर्ने एजेन्डा रहनेछ।
कम्पनीले पुस २४ गते बुक क्लोज घोषणा गरेको छ। सो मितिसम्म कायम शेयरधनीहरूले मात्र लाभांश प्राप्त गर्ने र साधारणसभामा सहभागिता जनाउने अधिकार पाउनेछन्।
