साझा अर्थ संवाददाता
१३ जेठ २०८२, मङ्गलवार
काठमाडौं । गलबार सेयर बजार सूचक नेपाल स्टक एक्सचेञ्ज (नेप्से) २.५३ अंकले बढेर २६७७.३० विन्दुमा रोकिएको छ । अघिल्लो कारोबार दिन सोमबार नेप्से ५.२१ अंकले र आइतबार ८.५७ अंकले बजार घटेको थियो ।
आज नेप्सेमा कुल ६ अर्ब ५२ करोड रुपैयाँ बराबरको कारोबार भएको छ । अघिल्लो कारोबार दिन सोमबार भने नेप्सेमा कुल ७ अर्ब ४३ करोड रुपैयाँ बराबरको कारोबार भएको थियो ।
मंगलबार कारोबारमा आएकामध्ये ८५ कम्पनीको सेयर मूल्य बढ्दा १६१ कम्पनीको घटेको छ । आज कर्पोरेट विकास बैंक, ओम मेगाश्री, ग्रिन डेभलपमेन्ट, भुगोल इनर्जी र पियोर इनर्जीको सेयर मूल्यमा सकारात्मक सर्किट लागेको छ ।
साझा अर्थ संवाददाता
