काठमाडौं ।चालु आर्थिक बर्षको तेस्रो त्रैमासको अपरिस्कृत विवरण अनुसार अपर तामाकोशी हाइड्रोपावरको सञ्चित नोक्सानी १२ अर्ब १८ करोड रुपैयाँ पुगेको छ ।  गत आवको सोही अवधिमा  कम्पनीको यस्तो नोक्सानी ८ अर्ब ६९ करोड ६४ लाख रुपैयाँ थियो ।  गत आवको चैत मसान्तसम्ममा १ अर्ब ३९ करोड १३ लाख रुपैयाँ घाटामा रहेको कम्पनी चालु आवको चैत मसान्तमा आईपुग्दा २ अर्ब ६ करोड ७४ लाख रुपैयाँ घाटामा गएको छ । गत असोज १२ मा बाधस्थलमा आएको पहिरोको कारण विद्युत उत्पादन ८८ दिनसम्म पुर्णरुपमा बन्द हुँदा आय घट्न गएको कम्पनीले जनाएको छ ।
विवरणअनुसार कम्पनीको चालु आवको चैतसम्मको प्रतिसेयर आम्दानी ९.७६ रुपैयाँले ऋणात्मक छ । गत आवको सोही अवधिमा भने कम्पनीको प्रतिसेयर आम्दानी ६.५७ रुपैयाँ ऋणात्मक थियो । चालु आवको तेस्रो त्रैमासिकको अन्त्यसम्मको कम्पनीको प्रतिसेयर नेटवर्थ ४६.७० रुपैयाँ छ ।