काठमाडौँ, ११ असार                                                                                                                                                                                                                        

मातृभूमि लघुवित्त वित्तीय संस्था लिमिटेडले आर्थिक वर्ष २०८१/८२ का लागि सेयरधनीहरूलाई कुनै पनि लाभांश वितरण नगर्ने घोषणा गरेको छ। असार १० गते बुधबार बसेको लघुवित्तको १८५औँ सञ्चालक समिति बैठकले उक्त आर्थिक वर्षको नाफाबाट लाभांश वितरण नगर्ने निर्णय गरेको हो।

सञ्चालक समितिले स्वीकृत गरेको यस वित्तीय विवरणलाई अन्तिम स्वीकृतिका लागि नेपाल राष्ट्र बैंक पठाइने कम्पनीले जनाएको छ। केन्द्रीय बैंकको स्वीकृति र आगामी वार्षिक साधारण सभाबाट पारित भएपछि मात्र यो विवरण पूर्ण रूपमा अनुमोदन हुनेछ। धितोपत्र दोस्रो बजारमा मातृभूमि लघुवित्तको अन्तिम सेयर मूल्य प्रतिइकाई ८६४ रुपैयाँमा बन्द भएको थियो।