साझा अर्थ संवाददाता
२८ जेठ २०८२, बुधवार
काठमाडौं, २१ जेठ - नेपालको धितोपत्र बजारमा ऐतिहासिक परिवर्तनको घडी आउन लागेको छ। नेपाल धितोपत्र बोर्ड (सेबोन)ले गठन गरेको चिन्तामणि शिवाकोटी समितिले निजी क्षेत्रलाई स्टक एक्सचेन्ज सञ्चालन गर्न अनुमति दिने सिफारिस गरेको छ। यसले हाल एकमात्र संचालक नेपाल स्टक एक्सचेन्ज (नेप्से)को एकाधिकार समाप्त हुने देखिन्छ।
समितिले धितोपत्र ऐन, २०६३ अनुसार निजी एक्सचेन्ज खोल्न पारदर्शी प्रक्रिया अपनाउन, नेप्सेलाई पुनःसंरचना गर्न र नियामकीय क्षमता बढाउन जोड दिएको छ। नयाँ एक्सचेन्जका लागि पूँजी, प्राविधिक क्षमता र नियमन अनुपालनसम्बन्धी स्पष्ट मापदण्ड तोक्ने सुझाव समेत रहेको छ।
बजार विश्लेषकहरूले यसले दीर्घकालमा बजार दक्षता बढाउने, लगानीकर्तालाई राम्रो सेवा दिने र विदेशी लगानी आकर्षित गर्ने बताएका छन्। तर नियमन कमजोर भए अनियमितताको जोखिमबारे चेतावनी पनि दिइएको छ। सेबोनले अब यस प्रतिवेदनको आधारमा सम्बन्धित ऐनमा संशोधन गर्ने तयारी गरेको छ।
साझा अर्थ संवाददाता
